Asemhaling van die siel

Here, luister tog na my gebed, hoor tog my geroep om hulp! Moet U tog nie van my afsydig hou nie. –  Psalm 102:2-3

Die meeste Christene besef die armoede van hulle gebeds-lewe, maar wanneer hulle ernstig probeer bid, dwaal hulle gedagtes, hulle gees word onrustig en daar kom min van hulle verhewe voornemens.

Voorgeskrewe en ortodokse gebede kan jou help om die teenwoordigheid van God te betree, maar dis die noodkreet van die berouvolle en verslae gees wat die hart van God be-reik.

Elke keer as jy die Naam van die Here aanroep, wag Hy al- reeds om jou te ontmoet. Moet daarom nie ontmoedig raak as jou gebedslewe vir jou ondoeltreffend lyk nie. Elke gedag- te aan God is ‘n gebed en dit verbind jou aan die liefdevolle Vader wat aan jou lewe wil gee.

Heilige Gees van God, ek weet nie altyd hoe en wat ek  moet bid nie. Ek loof U dat U my onuitgesproke sugtinge  aan God oordra. AMEN. – Solly Ozrovech